Пуш уйăхĕн 10-мĕшĕнче 1-9 классем шкул музейне çитсе курчĕç. Ку мероприяти район 85 çул тултарнине халалласа иртрĕ. Музейра ачасем шкул, ял историйĕпе паллашрĕç, хамăр тăрăхран тухнă паллă çынсемпе интересленчĕç. Тĕрлĕ вăхăтра шкултан ылтăн тата кĕмĕл медальсемпе вĕренсе тухнисем те ачасене кăсăклантарчĕç. Карай тăрăхĕнче орден, медаль илме тивĕçлĕ çынсем чылай пулнă. Вĕсене халалланă кĕтесре те ачасем чылайччен чарăнса тăчĕç, хăйсене кăсăклантаракан ыйтусем пачĕç.  Çак мероприяти çĕр-шывăн тивĕçлĕ ачисене ÿстерес ĕçре пысăк витĕм кÿрессе шанатпăр.